ثمان شهور

ثمان شهور

 

 

 

 

 

 

 

ثمان شهور

وانته ف سما عمري

مثل عصفور

تتمشى على كيفك

تجي....وتروح

وقلبي م العنا مكسور

ثمان شهور...وأنا أمطر

تفاصيلي...حزن و أوهام ...

واخفي ... كل أحزاني..

و أتحول...على شانك ...

سحابة نور ..

نهاراتى ..أمثلها..فرح كاذب ...

و أتوسد...ف المسا  بوحي

وقلبي م الصبر مفطور ..

ثمان شهور..وقلبي مقفل أبوابه

ولك وحدك

يمد جسور ..

وتجاهلت نكرانك

وعشت ف صمتى

وصار الحزن ...محرابي

وطول  الليل.. أترجى

يطلع على الصبح وأنا ميتة..  

بدون شعور

ثمان شهور...يا أبو محمد

وأنا الملم شعرك الأبيض

عن أوراقي....وتهجرني ..

وتجرحني ..وتخطي

وكل ذنبك على كبره  معي مغفور

ثمان شهور

و أنا على الهامش...شئ

شبه منسى ..شبه ميت

شبه مهجور

إلا الهم بنى مستعمرة أعشاش

وهاجر لامواجى ...وانكسر ظهري

وجفت ينابيع الأمل فينى

والفرح اندفن بدري

اصبر يا قلبي ...

عساك ف الاخره  مأجور

 

 

 

ثمان شهور وانا جنبك

وانا حولك....اتحول ف حضورك نور

 واذا شفتك تنقلب دنيتى خضرا

ولو كنت ف وسط صحرا

 اشوف الكون كله زهور

ثمان شهور ....وانته تفاصيلى ..

عطر ليلي ...اخلاصي ...حبي الاول

 رسايل في مناديلي

ثمان شهور

وانا جنبك ...وانا حولك ...

اترقب ف الدجى زولك

ترفرف ف حضورك..فراشاتى

واشعر انى اتحول اجنحه سوسن

والبس اجمل فساتينى... واتفنن

واتعطر عطر باريسي

واحط الروج واتزين

ولا توصل ...وانتظر ..ساعات ..

يمر الليل والظلمه...واعد ف الليل كم نجمه

اوصل الف الفين....واطالع على بابي

ولا توصل ...واشوفنى  اذبل

وسوسنى يذبل ...واتبهدل..

ثمان شهور ...وانا افرش عالمك بالنور

واعلق تعاويذ الفرح دستور

تعلمتك الف بائي ...عشقت فيك اخطائي

وهلوستى ..ع جدران الامل طبشور

تاخذها ايادي الريح ..وابقى وحدي

بيت ..متحجر شبه مهجور ..!

 

 

العنقاء

 

 

 

 

Related Posts