وصيتي ختامها م...و...ت

وصيتي ختامها م...و...ت

وصايا الناس تنقري بعد الممات
و وصاتي أنا تنقري وأنا حي ...

أوصيك يا شبيه النور والإحساس والسكر....
إذا مر طيفي على روحك
ارفع الكفين واستغفر
اقرا آية الكرسي ولا تحزن
ولا تسمح لدمع العين يتبعثر
إذا هالموت خذاني اليوم ..ف لحظه
تأكد انك قتلتني
للأسف أكثر ...
 

 

أوصيك ياللى جمعتالعدل والظلم والنور والديجور
إذا مر طيفي
جنبك
وخاطره مكسور
لنك نسيت تذكرني
ومكاني اللي كان ..مزروع بورد
أصبح شبه مهجور
اذكرني...
وأشعل شموع بنكهة
المرمر
ونكهة النعناع
والطبشور

 

     

أوصيك يا قمة أحلامي

يا من ترك "قلبي يحتضر ضامي"
إذا مريت من جنبك
ذابحني الضما
و أنت ف حنان اهلك غريق
تجاهل نكهة الذكرى وعطش روحي
اقطع على طيفي الطريق
سدد ضحكتك طعنة
واقتل ما بقى منى.... وبعثرني
نسيتني وأنا حي
كيف بعد الموت تذكرني...؟

 

 

 

أوصيك يا شبيه المطروالألوان
والهجران
والخذلان
والعطر والعبهر
إذا مر طيف يشبهني
متعطر بنفس العطر
نفس "لون الروج"
نفس الشعره البيضامتمرده
دليل الصبر
لو تخيلت إنها أنا
لا ..لا تطالع مرتين
قلت لك مره .. إذا تذكر : أنا غير
مالي شبيه ....أنا غير
أنا مثل الغمام
أمطر عود كمبودي
أمطر عقيق وزهر
أنا مثل المنارات الحزينة عالجزر
مليانه دفا وأسرار
مليانه قصص وأشباح
وأساطير وسهر

 

 

أوصيك يا مصدر الضياعوانكساري واحتضاري
والوداع
إذا مر طيفي على أرضك شعاع
تمهل قبل لا تقفل شباك هالذكرى وتشتتني
ناظرني بحنان ...خبيني
ترى بعض الأرواح
حتى بعد الموت محتاجه لامان
لملمني بيديك
قبل لا يسرقني شعاع الشمس
وأتشتت وأضيع
ضمني ...كسر ضلوعي ...
شم عطري عالسريع
كلها ثواني واختفي وأتحول شبه ذكرى
ف هالكون الوسيع

 

 

 

أوصيك ياللى كنت لي ملح الحياهازرع عند قبري "روح محاره"
يا ترى تذكر ؟
طلبتك زماااااان تهديني "محاره"
أخليها على أذني
اسمع فيها ..ثرثرة شط السيب وأسراره
ههه
وكعادتك نسيت وبقى شئ داخلي يحلم
ب-محاره ....
كبيره ...صغيره ....ما مهم...
المهم .....تكون انته اللي أنقذها
من رمل الشواطي
والتشتت والضياع
بيضا ..أو شبه ملونه ...ما مهم
المهم تكون أنته ... من لمسها ...من غسلها
من خطفها باندفاعأوصيك... وهالمره - ما بسامح- لو نسيت...
ازرع عند قبري محاره وحيده
وغطيها بملح
أبيه يذوب ويتسرب
ويلمس فيني كل جرح
لني لو حسيت بلسعة ملح ع جروحي
بعرف انك ما نسيت
وجيت وزرعت
ذكرى تسامر ف المسا روحي

 

 

 

أوصيك إذا مريت نفس البيت

وطالعت موقفي الخالي

وشفت بابي شبه مفتوح

وبقايا حروف اسمك ع جدران هذا الباب

تتسائل : ليش راجع؟

روح...

وش جابك  بعد هالعمر

وينك لما نادتك زمان

ووقفت على أعتابي

تترجي بصبر ؟

خلك من هذا البيت وعتابه

تجاهل ثرثرة بابه

اسمعني أنا :

كثير.... نام قلبي

وسط صدري جريح

كثير..... كتمت  دمعي

وربطت على روحي حجر

لا اضعف وأطيح

إذا مريت بالصدفة  هنا

مر ...عادي ..........وقلبك مستريح

لا تخاف من شبح ذكراي ....خذت ما بقى

مني أيادي الريح...

 

 

يا قصة الماضي...يا بقايا الأمس..علمتني احزن ...كثير ...وعلمتني ف دنيتي
أبشع درس ...
كمل ...طريقك .. ...لا تحاتي
نسيت إن الحب بدعه ...مع الأسف
حبيتك صدق ...وهذي جزاتي

 

 

العنقاء

10-12-2009