كومة رماد وبعثروها

كومة رماد وبعثروها

*
ما يصح الدمع اللي بكي
على القرآن
ولامس يدين
والدي الغالي
و عبر عن غلا أمي
يبكي على خوان !
  

 

 

على كثر الجروح
ليه النفس لحد الحين باقي
ما وقف
وليه كل ما زاد من التذكار جرح
ابكي
وكل اللي ما كان يعرف
يا جرحي عرف
و أحاول أخفى
عن الأقراب صدمه
وأقول من يبغى سعادة
بعطيها سلف
و أمثل دور إني
اسعد من سكن هالارض
واني  أقدر
أطير إلى فوق السحاب
و أخطف نجوم
و أنا من داخلي
انزف نزف

 

 

 

 "أخباري"
لا جديد غير إني
وشي ساكن في العظام
تذكرناكم
على غفلة
و حسيت الألم إياه
بس بدال الحزن
سويت
للأمل حفله
و أروع أخباري
إني اكتشفت انك
لو بغيت تبيعهم سهله
ولا تضغط على جرحك
ولا تدميه
ولا تذر من جهلك
عليه الملح
خله ينكوي على مهله

 

 

على قولة أهل ال BB
راحوا الطيبين
ووش فادني
صدقي وطيبي
غير خيبه
أثرها على وجهي يبين
آثاري هالدنيا ما فيها مكان
للي يسموهم
بالعواطف ساذجين

 
 

ساين أوت
من ذكرى كنا فيها اثنين
وبعيش المسا وحدي
مثل ما عشته قبل عامين
ولا بحلم
بخاتم الألماس والدبلة
ولا عقد تهديني
وأسألك من وين ؟


ساين أوت
من الألوان، من اللهفة
من حب يضحك من كثر سخفة
 ساين أوت م الإحساس،  م الرجفة
م الحب يوم شفت انه ف البعد أرمد
وغاب من بعد الدفا وهجه



 

 

*الاقيني ف الصمت أحيان
وبعض أحيان
الاقيني مزحومة بالعبث والطيش
والاقيني ف سياج اخضر
منساي
واندفن فيه طيور
مابقى منها اليوم
غير الريش

 

*لا تندهش
لو جيت لك احتظر
وان شفت عينك
يحيا نبضى
وروح روحي تنتعش

 

* لو دموع العين تجدي
وترجع حلم مات
كنا ملينا بالدمع
كل الجهات
كان نبكي"من هنا لمليون عام"
لين ما تعمي م الدمع العيون
لين مانصبح شتات

*اللي باقي م الهدايا
عطر جوتشي يذكرني بأنك
كنت لحظة جزء مني
وانك ف حياتي كنت محور
وكنت حلم كبير
لكن ما بقى من حلمي شي ما تكسر !

 

*طمني،
عسى حبيت من بعدي
عسى حاولت نسياني
عسى جيتك ف الحلم كابوس

 

*ما أخذت غيرحلم ميت
وبعض أوراقي وعناي
وأعدمت أشياءتشهد على
سخافاتي وغباي
رحت ابعدما يكون
لني ماأحس الأرض هذي"هي ارضي ولاالسما هذي سماي"
 

 

 

*كم مره أجي امسك هاتف الصامت
أبي اتصل
أنسى
انك ما عدت ف الدنيا
وأتراجع
وادعى ربي اللي بالسما سامع
ينسيني
انك للأبد رحتي


   

* ما هو ذنبك
إن حلمي كان طير
وطار عني وما قدرت احتفظ به
وسط قلبي
وفي عمري أسير
ما هو ذنبك إني توقعتك تجيني
مخلص
 في زمن كله خيانة
وتحبني م البداية للأخير
كان ذنبي ما هو ذنبك
عشت حلمي في رواية
من روايات أول
 من غادة وأحلام وعبير
هالواقع يا للأسف
شكله خذلني
وكنت أدور في عيونك
عن ملاذ
و اللي عايش وسط صحرا
لا تلومه
لو بالسراب
حتى فّكر  يستجير
 

يا رب في الحلم أمي تجيني وأشم
عطرها الباقي وأموت

 

العنقاء

نٌشرت في فتون