خذاك عن عيني الغياب

خذاك عن عيني الغياب

* بعد ماخذاك عن عيني

الغياب

كان تسأل عن جروحي
گل جرح”ن“ ف فؤادي
شبه طاب
ولو ف ليله جاني طيفك
بنسى انك ف حياتي
كنت عيني
وكنت قلبيّ
وكنت روحي
وكنت صمتي وكنت بوحي
وكل عرق“ن“ ﻤن عروقي
كان انته
وانته نفسك من ذبحني
ومن رهني للعذاب

*خذاك عن عيني
الغياب
وين أودي بعد
هجرك كل أكوام الحروف
والقصايد و الأماني
وأحلامي الصغيرة
والدفاتر اللي كانت
تمطر لجل عينك
مثل أسراب السحاب

* ما سألت كيف أتنفس
و أنا كلي حنين
كيف أغفي
وعلى طرف الوسايد
حرف أسمك من سنين
كيف أنسى
إن الحكايات الجميلة
كنت انته
وكنت انته أمنياتي المستحيلة
وكنت صدمه ف حياتي
شيبتني وأنا بعز الشباب

*كنت احلم ب-بيت دافي
وب حوش واسع
فيه جوري وياسمين
و فيه نافوره وحيده
وفيه عشب أخضر
و ممر مرمر
مزروع سوسن ع اليمين
كان حلمي مغلف
بالتمنى والضباب
شفت بيتي
صار كومة ﻤن تراب
والحديقة ودعتني
و أصبحت مدفن لحلمي
والرجا ياللاسف
فيك أعدمني و خاب

العنقاء