خذني بعيد

خذني بعيد

*خذني بعيد
خبني بين الحنايا والوريد
ازرعني حلم
ازرعني بين الجفون
ف قلب المنام
مثل الحلم / مثل السبات
انثرني سكر نبات
تدورني عصافير
المدينة في ولع
وتلقطني فتات

*خذني بعيد
جزيره مالها خريطة
او درب
مزروعة ياسمين
وأزهار وعنب
ما فيها زعل ولا فيها عتب
ملحها سكر
وأصدافها
فضه وذهب

*خذني وطن بين النجوم
كوكب بعيد
ماله قوانين وعلم
ماله حدود وماله اسم
فيه الهوا والأكسجين
بينه وبين الأرض
عدة سنين
نزرع ف ترابه أمنيه
بكره تكبر
و تصير عالم م الوله أخضر
ومليانه حنين

خذني مكان
دافي و طيب
وقلوب البشر فيه غير
مكان لو زرعنا فيه خير
نجني بالمقابل خير
ولو انكسر فينا شعور
تجبرنا أيادي لونها أبيض
وقلوب مليانه دفا
كلها وفا
تتنهد معاك
إذا قلبك تنهد
وتتقاسم معاك
هم عمرك حتى لو كان
ف قلبك مؤبد

العنقاء