لو

لو

لــــــــــــــــــــــــــــــــــــــــــو ...!

 هذيان : العنقاء

 

 

ولو ضيعت عنواني

وشارعنا

تغير

وبدا قلبي  بعد هجرك

ف الظلمات يبصر

ولو شفتني بكره صدفه

وشفت إني

صرت  م الهوى  اعقل واكبر

لا يغرك هالصمود..

ولا يغرك هالكلام

صدقني

تحت   رمادي والعظام

جمر صاحي ما ينام !

ولو شفتني اضحك كثير..

جالسه نفس المكان ...

اشرب حسرتي

واخفي  ف ظلال الصمت

 عن عيونك حيرتي

وأمثل إني ما أشوفك-

وأتجاهل ..نبض قلبي

ورعشة الشوق

بكفوفك-

وأتجاهل  ف عيونك

 نبض شوقك والسلام

لا يغرك هالتجاهل

صرت ف التمثيل ..نجمه

قويه ..ظاهريا

بس ف صدري

ترى زفه حمام !

 

 

ولو سمعت إني ما أنام

بدري مثل أول

ولا صرت احلم مثل أحلام الصغار

ولا أغار

ولا ادفن نفسي في رواياتي القديمة

واعشق فيها

حتى أنفاس الغبار

لا يدهشك ..هذا التغير

الحكاية كلها ...

إحساسي  ف بعدك  أصبح  دمار

اللي تشوفه ظاهريا ...مشهد من حكاية

امثل فيها إني اقوي من عيونك..

واني في بعدك تمام

تأكد إني ما بخير ولا تمام

و تأكد إن من تحت رمادي والعظام

جمر صاحي ما ينام !

 

لو سمعت إني ما صرت

مثل أول

"أشخبط" ع الجدار

ولا أخربش ..بعض شعري

ع الهوامش

تأكد إن قلبي يمثل

دور عايش

دور طايش

وداخلي كلي انكسار

لا يغرك ..هالجنون

وصّدق لو أقول

إني  أشبه بالحطام..

وتأكد إن من تحت  رمادي والعظام

جمر صاحي ما ينام !

 

 

ولو سمعت ..إني ما صرت

امشي مثل أول ف الغروب

ولا صرت ..أزرع الأحلام

في قلب السحايب ..

وأراقبها تذوب

لا تفكر  وش تغّير

باختصار

أنا هي ..أنا

بس

صرت أجامل واقعي

أحاول أنسى..ذكرياتك..

وداخلي كلي انتظار

صرت ..

أغرق إلى حد الغرق

أضوى ف الظلما شموع

وأنتظر متى وقت الرجوع

وأريح حيرتي على كتف الأرق

خبرني بأمانه : كيف لحظه نفترق !

نشرت في جريدة فتون الاسبوعية

Related Posts