ورب البيت ما برجع

ورب البيت ما برجع

 

 

ورب البيت ما برجع!

 

ورب البيت ما برجع

إلا بأحلامك

ولو تدفع لي من دم قلبك

وأيامك

ما برجع

ولو تخطف لي سبع نجمات

وتتعذر

وتنزف  طول العمر من أجلى

دمع وآهات!

ولو توقف على بابي

بذل شهور

ولو دمعك يصير بحور

و لو تفصل لي

 طرحة من خيوط النور..

ولو تزرع لي حدايق

على شكل  هندسة   بابل

وتملاها شجر و طيور

ولو تصنع لي

كحل من ظلمة الديجور

وتتعهد انك

تلاقيلي لبن عصفور

ورب البيت ما برجع!

 

 

ولو تبني لي  قصر قارون

وتكتب لي أروع من  شعر شداد

ولو تسفرني على بساط الريح

ولو قدرت

تنتقد كل البشر حولك

بلا تجريح

لو قدرت تجاوب دون ما تقرأ الاسئلة

وتحسب دقايق عمرك

 من آخره لين أوله

ورب البيت ما برجع !

ولو تنحت لي قصايد

على  قلب الحجر

وتملكني أرض

على سطح القمر

ولو ..تزرع  صورتي

على ماي البحر

ورب البيت ما برجع !

ولو أهديتني المارد السحري

والمصباح

وقدرت تفتح لي كل أبواب هالدنيا

بلا مفتاح

ولو قدرت تلقف كل  شهاب

من سمانا طاح

ورب البيت ما برجع !

العنقاء

 

 

 

 

 

 

 

 

 

 

 

 

 

 

 

Related Posts