يا معين

بين الوعي واللا وعي
حسيت ...سكينك هنا
تنحفر في أضلعي
وتداعيت من طولي أنا
واصرخ يا معين
غير ربي
من معي ؟؟

وبين الوعي واللا وعي ...
ترجيت نبض قلبي
وادمعي
بالهداوه...
لا تزيد..الجرج جرح
تباطي في وجوده
ولارحل عنى اسرعي
وافجعي
ومزقي ..كل رايات الصبر
اضربيني
اكسريني
اطرحيني واجمعي!

وبين الوعي واللاوعي ..
ناديتك ...
حبيبي ... تمهل
نسيت سكينك هنا
في اضلعي ..
شوهت فينى تفاصيل الفرح
وصار حزني
ف عمري طبيبي واستشاري
و مرجعي
حبيبي ..
ما بقى في القلب باقي
ذاب حلمي
نبض أوراقي
وروحي وأفرعي
ولا زالت سكينك هنا ..
اما تاخذها وترحل
وإلا تتركها
لآخر الرحلة معي..!

آخر النزف :

كان يكفيني عريش
و"حوي"
مزروع ....ياسمين
و ياس
و ألوان
وشريش
كان يكفيني ...
نعيش ..
والطبق مستور
كان يكفيني أحس وأنا قربك
إني مثل عصفور
نبت له..
من زود الدفا..
في الظلما ريش ..!

العنقاء