لكم حزنكم ولي حزني *عارف سرور
لأن الشتا جذاب
*دام الشتا واقف على الابواب
خلينا نخترع للقا أسباب
خلنا نقول انك
نسيت "كوتك" ذاك الشتا عندي
او نسيت "شالي" انا عندك
اباك تقول
انك تحس بضيق من بعدي
واحلف اني احس
بضيق الكون من بعدك
و ابا ترسل لي رسالة لونها وردي
عشان يصير عطري هالمسا وردك
بخبيها تحت راسي
واذا حسيت بالوحدة
وزاد البرد عن حده
بخليها تحت خدي وبتخيل انها خدك
وبتخيلك تنتظر ردي
وانا غارقه الين العظم في ردك!
*دام الشتا جذاب
تعال نخترع للقا أسباب
اهديني شي انا احبه
مثلا، خلينا نقول : كتاب
وخبيلي في الوسط منديل
في اول الصفحات
اكتب لي بعض احساسك
وعطرها بعطرك الشانيل
ودللني اذا امرض مثل طفلة
طوال الوقت بالالعاب
*ودام البرد هالشتا زاد
بسألك كثر الجفا وش فاد؟
عاى الاتي خلينا نتفق
و نخرج عن المألوف والمعتاد
بنشعل جمر المسا
ذكرى واسرار وعبق
وخلينا نتمرد على الاعداد
ونحاول نحصى اعداد النجوم
وبعثر لي حروف
عين
شين
قاف
وبلملمها عشق
وبصير لك كبريت
شمع احمر
و بخيط لك من ضلوعي كوت
واذا جاني البرد
بناديلك
وبتمنى على صدرك يجيني الموت
ولا بلحظة نفترق
اخر النزف :
مايخفف هالشتا البارد
غير حلم
فيه أمي تبتسم
ضحكتها اللي تخلي كل الجروح
في ثواني تلتئم
تقول : قريب جدا نلتقي
بأرواحنا
مكان دافي
بالمحبة مزدحم
العنقاء
صباح عرايسنا الخشب
صباح زمان
ما كنا نعرف باربي ولا فله
كانت عرايسنا الخشب
تسوى كوننا كله
زمان وراح
وراحت بعد أمي !
*العنقاء
الاشتراك في:
الرسائل (Atom)
فقد
رمادية
-
خسارة ذكريات كثير راحت ومنها صناديق البريد و الرسايل والورق راحت ليالي الانتظا...
-
الحالة : بداية برد وعظامي سحايب ترتجف فيني تخاف امطر وجع امطر هلع امطر حزن رغم الجفاف ! وين اختفى ذاك الشغف و ... -
هذا أول عيد دونك ! تنفسته : العنقاء أول الأنفاس : *هذا أول عيد دونك أول صبح يمر عادي ...
-
* ما هو ذنبك يوم ان توقعاتي كانت ابعد م السحاب كان ذنبي ماعرفت إني أميز ما بين ع...
-
طابور في حضرة النسيان "أعذريني يا قلوب تقرأني، لا زالت مفاتيح حاسوبي تأبي النزف إلا بها " *و صار...
-
لنا رب كريم لنا رب كريم لو ضاقت سنه الله يفرجها سنين بعض الألم ...يقوى صاحبه وبعض الألم يتركك مثل الس... -
وش دروسي المستفاده م الحياه من عقب هذي السنين لو صادفك في العمر شخص احذر لا تحبه منك أكثر لا تخليه ف حياتك ...
-
وكنت احلم ببيت هادي وطفل يركض "ماماتي" ينادي يدور عن حلاوة عن ألعابه الصغيرة يصر قبل نومه احكي له قصة قصيرة...
أودية الرمال وقلبي
رماد
صباح زمان ما كنا نعرف باربي ولا فله كانت عرايسنا الخشب تسوى كوننا كله زمان وراح وراحت بعد أمي*عنفاء
يمر الليل والظلمة واعد في السما كم نجمه اوصل الف، الفين، واطلع على بابي ولا توصل! *العنقاء
كمّم موتها صوتي وخلاني بدون شعور،اكتم صرختي صعبة والاصعب انادي قلبها يرجع*العنقاء
ستتعاقب الفصول وسيحيا الياسمين وستجف السواقي وسترحل الغمامات وسيمتد الموج وسينثني وستبقين انت*عنقاء
في عز الحر أحس ببرد.. تصور.. من قال بلحظه إني بدوس الورد؟؟ لين عزمت الفراق ودست باقاتك ! *العنقاء
لقيت هموم هذا الكون كله تنحصر في كلمتين:فقد أمي* العنقاء
أنا أغرق ولا ودي أعيش أكثر بدنيا مابها صوتك ،واذا جا الموت، يا هلا بالموت *العنقاء
الله كريم
رمادي
من خيوط الرماد..نسجت صبري
حسابي على تويتر @b_2107
يحدث أن يبكي الرماد
رماديات
باقة رماد لا تذبل
هذه هي العنقـــــاء
لا تنسوا ان تتركوا بعضا منكم في بعضي
وجع الرماد
وجع الرماد
يا وجع
رماديات
وجع الرماد
وانتِ في القلب مثل النقش في الحجر
من رماد الحزن والذكرى
