أسئلة بعد الفراق

أسئلة بعد الفراق

أسئلة بعد الفراق

 

 

شهرين

ونكمل سنه على ذكرى الفراق

من سكن  بعدي ضلوعك ؟

من مسح ..عنك دموعك؟

من كتب لك ..على حزن الغيوم?

من ..جمع لك ..من الظلما نجوم?

من حكى لك عن سخافات الرسوم?

من..؟

وبنكمل سنه...

وكل ساعة كنت أموت..

وكل لحظه ..تختنق فيني بلاد

وتحترق فينى تخوم...

كنت اذبل ..ف سكات

ولو نامت  دموعي...

بس لحظه..

تصحى فيني

كل أنواع  ..الهموم...

و أحس الكون يضيق أكثر

لين ما بقى فينى عزوم

من يا حبيبي ..صار بعدي ف مكاني !

هل عطرها

مثل عطري ..

نفس ذوقي في   الهدوم؟

نفس أطباعي  وقلبي ؟

تنام الليل بدري....وإلا تسهر ؟

تحتفظ بالتفاهات الصغيرة

و أوراق الهدايا

وفي درجها ألف دفتر ..

تعشق ..الألعاب مثلي

وتجمع

كل لعبه..حصلتها  فبيض كيندر!

هي ..مثلي.. لما ...تمرض..

تتحول فراشة ...وتبقى عند راسك

تحرس أحلامك وروحك..

وتدعي الله  ..يلطف بالعواقب

لنه شايف

وتنطوي .. مثل طفله

مابين   الشراشف..

وتحكي للمخدة...

لين ....تبكي هالشراشف من بكاها

و ينبت ف المخدة ..شبه قلب

و  غيمه تمطر...

و سميتك ملح الحياة ..

و سميت  الملفات..بجهازي

مثل اسمك..

و "سيفت" الأغاني....و الامانى

بشئ ..يذكرني بظلمك

وصرت ..في كل التفاصيل الصغيرة

ف حياتي...

وصار رقمك ..باسووردي ورمزي

وصار الزامى احبك

وانثرك ...

بين ذاتي وبين ذاتي..وبين ذاتي...

وحتى ف لحظه سكاتى ..

و حتى ف  آخر صلاتي...ادعي ربي

إني أصبح اقرب

من  رشات عطرك  ف هدومك

وادعي ربي إن يومي قبل يومك

العنقاء

نشرت في جريدة فتون

Related Posts