لحظة ضعف

لحظة ضعف

لحظة ضعف

فقط للعلم لا أكثر :

أنا اغرق

ولا ودي أعيش أكثر

بدنيا ما بها صوتك

وإذا جا الموت

ياهلا بالموت...!

يا من كنت حبيبي :

لا تتعب ..

ولا تشقى ولا تسهر

أنا بشقى

وأنا يغرق وأنا  بسهر

وأنا بصبر

وأنا بغفر

وأنا بدعي لك بكل الخير

إذا شفتها تمطر

وأنا بهدي من روعك ...

ف الأحلام

وبمسح على راسك الين تنام

وبغرق في تفاصيلك

وبتذكر

وبتأثر

وبتبعثر

وبقرا آية الكرسي

لو نصاني الحزن

وبستغفر!

 

وأنا بوقف على الشباك

وبنتظرك

الين الفجر وبعد الفجر

والين الشمس في السما تظهر

وأنا  بنحل

وأنا بجفل

وأنا بذبل

وأنا بنضب

وأنا بهرب

وأنا بتعب

وأنا بغرب

عن سما هالكون لو تبعد

وأنا برجف

وأنا بنزف

وأنا بعصف

وأنا بزحف

لجل ألقاك ولو مره قبل موتي

وأنا بجهر ..

الين الحرف يتكسر

وانطق حروف اسمك

إذا اشهق وإذا ازفر

و يا رب احفظ لي   دفا عيونه

ولا ودي تمسه جروح

ويا ربي احفظه دايم

ويا ربي على كبر جرحي

ع الجرح مسموح

العنقاء

نشرت في جريدة فتون الاسبوعية

Related Posts