دام عارف

دام عارف

 

دام  عارف ...!

 

*دام عارف ان فرقانا قدر

ليش تعطيني وعد

ليش تهديني الورد

ليش تحرمني حتى من تفاصيل الوداع؟

*ودام عارف ٳن مـ عندك

عـ قياسي كعب

ليش تناديني بـ سندريلا

وتخليني احب

و اعيش عمري عــالدرايش

انتظر انك تجيني ولا تجي

و أقضي عمري

كل عمري  في صراع !

*ودام عارف إن  قلبك ما منه أمان

ليش توعدني وتخلف

ليش تخذلني

رغم انك كنت تحلف

ليش تجبرني أموت

وأصلب احلامي و اراقبها  بصمت وهيه ترجف

وهيه تنزف كل ليلة بإندفاع !

*ودام عارف ان حبك كان لعبه

ليش تعطيني أمل ؟

ليش تعيشني بكذبه؟

وارسم حلمي على صفحة رمل

ويجيه الموج  بالآخر

ويمسحه حتى النخاع ؟

*ودام عارف ان فرقانا مصير

ليش أوهمتني بعد اليأس

ان الدنيا لازالت بخير

ليش كسّرت جنحان السعاده

بعد ما عودتني للفرحة أطير

كيف وليش كنت

لابس كل هالفتره قناع !!

 

 

اخر النزف :

توجع الصورة

اذا صارت بعد الفرح

ذكرى

توجع مقاطعهم

كنهم أحياء قدامك

وكل منهم فــ الحقيقة

ساكن قبره

العنقاء

Related Posts