خالد ومشاعل

خالد ومشاعل

 

 

إشاره حمراء : هلوسة بين حبيبين من نسج خيالي و أي تشابه
في الاسماء لا يمت للواقع بصلة
*مشهد أول : وارتفع الستار
عيونه غارقه فيها ويبكي
وهي مثله تبكي بإنكسار
للفراق اللي انكتب
و مابين العيون ابتدى هذا الحوار

*مشاعل : اعذرني حبيبي
لما قلت  بيوم ممكن نجتمع
ورسمت لك من الاوهام جنه
وكل هذا مانفع
جاوبني حبيبي:هل في الاحلام مصطلح اسمه جشع؟
ليه ما نحلم كثير
دام احلامنا ماتكلف شي
الا لحاف دافي و ما لازم سرير
حتى عالحجر ممكن ننام والا على قطعه حصير
خبرني حبيبي: ليش صادروا عنا الحلم؟
ليش رجمونا بواقع كان أكثر من مرير؟
 خبرهم حبيبي:كنت اعرف انك شخص عادي
لا امير ولا وزير
في نظرهم مثلك الف واحد،
شخص  مُعدم ، دون جاه ، مسكين وفقير
ليتهم شافوك في عيني أنا
كان عرفوا ليه احبك وليه اشوفك شخص غير

*اعذرني حبيبي
كان ودي ، ليل هذا الحب يطلع له نهار
كان  ودي ، بيت دافي وطفل غافي
ينتظر انك تجيه
ف يدينك لعبة حلوه او قطار
وكان ودي طرحه بيضا و تاج ابيض
و نقش حنا و عقد لولو
و شال اخضر...كنت اتمناك انته بإختصار

*خالد :اعذريني يالحبيبه
كان ودي ليل هذا الحب يطلع له نهار
واسّمي اول اولادنا مشعل
و أزرع دنيتك أزهار
اعذريني كثر ما شفتي ف عيني  من دمار
اعذريني كثر ما نامت عيون
و كثر ما سهر الحيارى بإنتظار
اعذريني كثر ما ماتت قلوب
وكثر ما قال العاشقين اشعار
سامحيني كثر ما ناحت قلوب
في زحمة اللحظة الاخيره في  مطار
سامحيني وامسحي دمعك حرام
الا دمعك لا يطيح ..وكل دمعه من عيونك
تسوى عندي كون كامل ، دنيا اوسع من مدار
اعذريني يالحبيبه،
و ارفعي عينك لفوق واطلبي رب السما
يغفر ما جنينا،
قادر الله يغسل هالخطايا  لو كانت كبار
سامحيني يالحبيبه
كان ودي
وكان ودي
وكان ودي
بس موعدنا هناك لو قّدر الله
في جنان الخلد وهي دار القرار


العنقاء

Related Posts