غيوم

غيوم

غيـــــــــوم

 

 

*غيمة تمطر صباح

هالصبح احسه غير
 لن روحي
 ذابت في جروحي
وارتمت كلها عليك
في حنانك تستجير

*غيمة تمطر وجع :

 

ودي ارجع للسدرة الجديمة
بيت جدي
واقرا وش كتبنا من حروف
كّنا ننجرح بالشوك
وننسى في ثواني
واللحظة تّعدي
قطعة"بلستر" تداوى
جراحات الطفولة
لنها  مثل الضيوف
واليوم هذا الجرح ،ثمان شهور
ما وده يعّدي
والنار تحرق داخلى
وما بقى بالعين شوف
بكيناها عمر،
وليت كثر الدمع يجدي
وليت، لو يفيد المال
كان قدّمنا الالوف
الموت لو جا ما ينفع في
رده التحدي
ما يمنعه ضربة رمح
ولا يوقفه طعن السيوف
اكفهرت امنياتي
وباح هذا الحزن سّدي
و امطرت عيني وجع
والفرح لو زارني
يرجع مخضب
بالدمع منه الكفوف

 

بانتظارك من شهر
لهفتي صارت مطر
انتظر تنطق : تعالي 

 

العنقاء

Related Posts