لملميني

لملميني

 

 

 

 

 

أبا لو صافت أوراقي

ألاقي من يلملمني

ورقه على ورقه

الين يصير عمري

كومة من الأوراق 

ويتم إحراقي

ويتبخر هذا الكون

بنكهة الذكرى و أشواقي  

- آبا لو جف فيني ريق

وفارق دنيتي الساقي

تمطر على سطوري

قطره،  على قطره

وأستوي غيمة و رذاذ الشوق بأعماقي

 

- أبا لو شابت أشواقي

ونصها أثلج، وأرمد نصها  الباقي

تصحيني  نبضه  بعد نبضه

الين تنفجر  فيني

براكين العشق والنور

 وأبني  حواليني جدار وسور

وأخفيني ورا هالشمس و أخطفني

من ظلام البعد والديجور

 

- أبا لو ذابت أحداقي

 تلملمني ، دمعه ، بعد دمعه

وببكيني ، الين يفيض الدمع

حتى من شراييني

وتمطر هالعظام شجون

وتنكتب حروف اسمك

على قلبي و"معلاقي "

أمانه  لو ذاب الحبر ف القرطاس

وغاب الكل وجف الفل

اللي بيوم عطر آفاقي

تذكرني

لو اختفى هالناس

وما بقى على الأرض باقي

 

العنقاء

Related Posts