ومر العيد دونك

ومر العيد دونك

ومر العـــــــــــــــــــــــيد من دونك!

-         مر العيد

وأكيد انك

لبست ثيابك البيضا

و أكيد انك لبست مصر

لونه جديد

وأكيد انك ...تعطرت العطر إياه

ومشيت  رايح المسجد

وامتلأ   ذاك الدرب

من عطرك من أقصاه الين أقصاه!

-         ومر العيد

وأشوف الدنيا مسوده

وأحس كأن

البرد زاد  شوي عن حده

هذا العيد ...لبسني الهم من دونك

وخيط من دمعتي أثواب

ولما ضيعتك ....

صرت أدور عن دفا لبردي

مثل غابة ضيعت  في قلبها

 قلب حطاب!

-         ومر العيد

وفي قلبي بقى هذا السؤال

وش أسوي

لو رحت وصارت بيننا  أميال

وش أسوى لو فقدتك ...

صرت  أدور عنك في الزوايا

وصرت كني عصفوره مزارع

تدور في المدينة عن ظلال!

آخر النزف :

لو سمعت إني صرت اسهر طول ليلي

اعدد  الخرفان

إلى نور الصباح

واني ما صرت اهتم

ولو غدا سري مباح

و إني تساوت في عيوني

كل أنواع الجراح

عادي جدا...

تتوقع ..أي عيد

ممكن أعيشه

واللي أحبه

ترك قلبي وراح .....!

العنقاء

نشرت في جريدة فتون

Related Posts