لكم حزنكم ولي حزني

لكم حزنكم ولي حزني

 

* لو كنت عن أمك بعيد

اتصل واسمع نفسها

اتصل اطلب رضاها

لو تبي عينك فداها

تسع أشهر ما شويه

تسع أشهر كنت عايش في حشاها.

 

* لو كنت مسافر

وبينك وبين أمك م البعد أميال

لا تعذر بالمسافة

والخساير والصعوبة في الوصال

اتصل أطلب رضاها

تيمم من ثراها باتصال

دعوه وحده من لدنها

تساوى كل هذا الكون وأكثر

دعوة وحده

تفتح لك كل باب كان فـ وجهك مصكر  

ولو يضيق الكون كله

 في لحظة عليك

يبق قلب الام

أوسع من مساحات الوطن

يبق قلب الأم وحده

لو كل هالعالم يبيعك

ما يبيعك لو بأضعاف الثمن. 

 

*ولو أمك مثل أمي اختارها المولى

وماتت

ادعى ربك تلاقيها هناك

أهديها "يس" للموتى هديه

وتصدق عنها لو بـ ميه

لا تنسى حبايبها تزور

كل شئ للأموات يوصل

لو تغطيهم قبور

كل شي يوصل هناك

على طبق حاملينه  الملايكة

 من ذهب و يشع  نور

ويقولوا فلان اهدي لك هديه

لا تخليها زعلانه عليك

أنت ما تعرف متى

يختارها سهم المنيه

 

*لو كان قلبك مخاصمها

بسبة وسوسة شيطان

او لو ما كنت بالأصل غلطان

لا تنسى التسع أشهر والصبر

لا تنسى التسع أشهر والسهر

لا تنسى كل يوم وكل لحظة

كانت لفرحك تدعي وتنتظر

 

 

العنقاء

 

* عنوان قصيدة للمبدع عارف سرور

Related Posts