لأنك أقرب أحبابي!

لأنك أقرب أحبابي!

 

أنا ماأريد رصيد  في بنك
ولا فلوس ينعدن
ولا صيف في باريس أو لندن
ولا أبي بساط الريح
ولا عزبة
في صحاري الشام والأردن
لي طلب واحد
أبا لو أموت
جنازتي تحضر
ويديك تلمس
ترابي
لنك
اقرب أحبابي
و لنك الوحيد
اللي تمنيته!

أنا ماأريد عقد من داماس
ولا أحلم بتاج
فصوصه من الماس
أبي بس يهزك
صادق الإحساس
ولو سمعت بخبر موتي
تجيني وسط كل الناس
والزحمة
ترفع يديك تطلب
لروحي
الغفران والرحمة
و تودعني
ويديك تلمس ترابي
لنك اقرب أحبابي
ولنك الوحيد اللي تمنيته !

أنا مابي "بنتلي"
ولا بنز ولا نيسان
ولا احلم
برحله للفضا
وابعد الأكوان
أبيك انته يا اعز إنسان
أبي ايدك
لو متت تلمس ترابي
لنك اقرب أحبابي
ولنك الوحيد
اللي تمنيته!

العنقاء

Related Posts