عسى هذي السنة أجمل !

عسى هذي السنة أجمل !

عسى هذي السنة أجمل !

يحلم الأطفال

ب"الشكليت"  والمصاص

والألعاب عيديه

وأنا احلم

تكون عيديتي

قلب ثاني

بلا اسمك

ولا ذكراك!

 

 

عسى هذي السنة

تكون أجمل

عسى ورد الأمل ..

صار اكبر

وانزرع ف دروب

كانت أمس مهجوره

عسى هالعيد

نقصت أعداد قلوب

كانت -

من الهم مكسورة

وعسى باقي للحين تذكرني!

 

عسى هالعيد

اصحي على عطر شانيل

مثل أول

وأركض ...أدور عن دفا أمي

وأبكي

وأدفن ..ف حضنها ..همي

وأحلم

إني رجعت ..للورا أعوام

احسب فلوس عيديتي

عشان اشتري بها دفتر

اسطر فيه أحلامي

قبل لا أنام!

 

 

عسى هالعيد كلنا

نكبر على الأحزان

ولا نذكر

وش اللي كان

عسى النسيان

هالعيد

يكون عيديه!



 

العنقاء

نشرت في جريدة  فتون

Related Posts