يا وطن...أسالك بالله !

يا وطن...أسالك بالله !

يا وطن...أسالك بالله !

 

 

وكتب للوطن اسطر

لو بكى طين الأرض

  والوجع  من عمقها أزهر

لو شجر كل المناطق

انحنى .كنه منكوى بجراح

لو هاجرت وقت الشروق طيور

لو اندفن تحت الثرى أرواح

ما تنمحى تفاصيل الوطن

ما يختفي صدى صوت المؤذن للصلاة

شقاوتنا  على ذاك التراب

كم صنعنا عرايسنا الخشب

من شجر  تيبس .في عتب

 

 

  *يا وطن.....أسألك بالله

لا تنجرح

 لو  مرت على أرضك غيوم

ولا أمطرت على خدك  فرح

وعانقت غيرك بلاد..

و ارتوت عينك سهاد

لا تنجرح

لو بعض ..أولادك عن السكه جمح

يا وطن ...يبقى شعبك .. شعب عاشق

مايخون الملح

يدعي ربه يحفظك

 

 

 

 يا وطن ...أسألك بالله*

لا تكتئب....لو بلحظه

غطت على شمسك سحب

بكره تتبخر   لما يجيك النور

بكره "يطير الشر"  

بكره  بينولد من  قلب الوفا

للوطن دستور....

بكره يا وطن تجيك الشمس

وتمتلئ هاذيك الدروب

بتفاصيل الطفولة

باللعب إلى وقت الغروب

 

 

*يا وطن أسألك بالله

ليش القلق ؟

 لو ينطفي جمر المحبة..

وتصبح الدنيا غسق

تحت الرماد الحر...باقي للغلا نيران

تحت الرماد الحر..نبقى للوفا عنوان

يا وطن..ماينكرك شعب ..

شرب منك العطا وتعلم من صحاريك الصبر

شعب على أرضك .أدرك وش معنى الفخر

تنفس من صدى صوت المآذن..وشهد إن الله اكبر

وشهد إن حبك اقرب للفرض..

شعب عانقت جبهته _فيك الثرى

وانحنى ..ورفع يدينه فوق..يدعي ربه يحفظك

مهما جرى

 

 

 

العنقاء

نشرت في جريدة فتون

 

Related Posts