ادورني والاقيني ....

ادورني والاقيني ....

 

 

 

مسا حالم وأرجوحة  

حبالها شابت

تنتظر طفلة

من سنه راحت

كانت إذا تلمس حبال الشوق

تضحك وتنسى كم سنه عانت

ذبلت هالحبال كثير

وانحنت أكثر

ونبت في إحساسها أحزان

وبدت تودع غصن سدرة

عانقها طوال سنين

وتترك  هناك في الطرف بصمة

تحكي إنها كانت ...!

 

 

*ادورني والاقيني في :

سحاب ابيض

على شكل أرنب

يمر الأرض

يناظر طفل مستغرب

ويتناثر في أسطوره

وينقسم أقسام

و تتباعد مسافاته

كنه م الشمس يهرب !

*أدورني والاقيني في:

عبارة حب

مكتوبة على دفتر

وقلب صغير ملون كله بالأحمر  

كلها مع الأيام أصبح لونها باهت

والقلب اختلف لونه

 

والورق غدا أصفر

 

*ادورني والاقيني في:

 وجع طفله

جاها العيد ولا جاها

ولبست نفس الثوب

اللي من عناها بدا يقصر

وتحلم  متى تكبر

و تشتري من المخمل لعيدها

فستان

,الاكمام من ساتان والتفتة

لها ألوان من سكر

 

 

 

 

 

* ادورني والاقيني في :

عصفوره في طرف منديل

بين الزهر والإحساس

مزروعة

و إذا جاها الليل

تحس بدفا دمعه بالاه موجوعة

ذاك اللي فارق هالعيون وراح

و شبه ذكرى  بقى المنديل

و يمتلي بالدمع والآهات إذا جا الليل ،

ويمتلي بجراح !

 

 

 

 

 

 

 

 

 

 

* و الاقيني في الصمت أحيان

وبعض أحيان الاقيني

مزحومة بالعبث والطيش

و الاقيني في سياج اخضر منساي

واندفن فيه طيور

ما بقى منها اليوم  غير الريش !

 

العنقاء

Related Posts