منتهى الاحلام

منتهى الاحلام

 

 

*منتهى حلم الشجر

حنان تربة

أرض خصبة

زخة مطر

فزاعة ..تخوف هالطيور

اللي ..تشاكس

ع غصونها

أحلى الثمر.

 

*منتهي حلم الغريب

واحة أمان

ارض يكرم  فيها

ولا لحظة يهان

كوت يعطيه الدفا..

وجه مألوف

إذا حس البرد

يلاقيه

يشتت همومه

لو كانت ألوف .

منتهى حلم الفقير

صحن عيش،

الستر..وسقف

لو  تحت ظلة  عريش

 

*منتهى حلم  المحب

قلب ..معدنه مثل الذهب

ما يخون

يوقف معه في كل الظروف

يمسك يديه

لو مهما يكون

 

*حلمي أنا

مساحة صغيرة

 مليانه هدوء

كهف دافي في الخيال

اختبي فيه

لما وجه هالدنيا

يسوء

 

*يمكن ..

حلم الضفادع

جدا"ن" بسيط

مستنقع كبير

وين ما يلتفت

يلقى بعوض

و يأكل لين يشبع

ويعيش راضي

ولا يخاف

شي مفزع

ياكله

 ويصير ماضي 

 

 

 

العنقاء

Related Posts