وش أجاوب قلب أمي

وش أجاوب قلب أمي

وش أجاوب قلب أمي ....!

وش أجاوب قلب أمي ..لو سألني

ليش  متغير هالفتره لوني ؟

ليش ...صرت ...غارقة ف وحدتي ...

وليش وسط سوالفهم ..بالجسد بس حاضره ...

و ما اسمعهم ..لو كلموني ...

تعبت يا أمي ....

كيف أخبي...قلب نازف...

جرى مدمعه  على وجهي ....

سطر سوالف

 

يا أمي ..تعبت .. أدور

ألوان تخبي أحزاني وشحوبي ...

تعبت ... ارسم ضحكتي  ...للملا حولي  ..شروق..

وأنا ... ف داخلي احتضر..

البس قناع الصبر اخفي به  غروبي ....

وش أجاوب دمع   أمي لو سألني

عن علومي...

وأنا وجهي ...غزاه الشيب ...

وعيوني  متقرحة من قل نومي

أنا يا أمي

تحدتني همومي..

ولا صرت اعرف وين ارمي بالمواجع من كثرها

ولو حاولت ..أختصر ....هذا العذاب ....

يحتاج لي ألف عام ولا بقدر اختصرها

أنا يا أمي احتضر....

كلي حزن...

تناموا الليل ف  سبات ...

وأنا وحدي اسهر ف غرفتي ..

أتقلب على جمري  بسكات ...

ما ودي اشكي ..حزني

يا أمي ...ما ودي أبوح

ولا  ودي تحاتي ...

وش أجاوب  صمت أمي

لو سألني

ليه غطا هالسواد ...ألواني ..

و هدومي

كيف اصبر ...

وجرحي عميق...وفرقاه ..

هدت عزومي ...

وش أجاوب خوف أمي  لو سألني

آآآآآآه يا أمي...أخاف تشوفي

ف دمعي انهياري ....

أخاف تشوفي ف دمعي احتضاري ....

كيف اصبر

وشاب قلبي م المواجع..وأنتي  تدري ...

وتزلزت داخلي أركان...

وذقت طعم الحزن بدري ...

العنقاء

نشرت في ملحق مرافئ التابع لجريدة الوطن

Related Posts