خبروه

خبروه

أخبروه إذا ما صادفتموه على لساني : العنقاء

 

 

* خبروه إني رحلت

وما أخذت

غير شنطة

وبعض أغراضي معاي

وحلم ميت

وعطر فاضي

كان في الماضي

حبيبي

وبعض أوراقي و عناي

ولملمت كل شي

يشهد على سخافاتي وغباي

ورحت ابعد ما  يكون

لني

ما أحس الأرض هذي "هي ارضي

ولا السما هذي سماي"

 

 

 

 

 

*خبروه إني دفنت

يوم راح

كل لحظة تذكرني بهواه

وكل حرف

وكل صوره

وكل لوحة

مطعونة بجراح

وانتعشت

وصرت أجمل

وصرت احلي

وصرت اقوي

وصار قلبي شبه ساحة

للمعارك والقتل عندي مباح

وخبروه إني تعلمت  

تضميد  الخساير

و صار عندي من يخون 

مثل شعره في العيون

من تروح

وجعها -

يا أحب الناس راح 

 

 

 

 

 

 

 

* خبروه إني فهمت

وش معنى  يخذلك

 فجأة حبيب

ويتركك بين أهلك

ف الوطن

 لكن غريب

وينبت في مكان القلب  

شجره

ثمرها من سواد الليل اسود

وفيها شوك

وفيها شك

وفيها سم

وفيها ظلم

وفيها خذلان وتجني

ومره ينبت في مكان القلب صخره

فيها  مجموعة جروح

م الوجع صارت   تغني

وجنب هذا كان حفره

واللي يقترب منها

يموت

ويختنق فيه الكلام

ويخونهم  حتى السكوت

ويمتلي قلبه بحسره

 

 

*خبروه رغم إني انجرح

إلا إن فهمي للحياة صار أسرع

و صرت أبشع

وصار لي مع العشاق ثار

وانزويت في برج عالي

وصار لي وحدي القرار

وانتظر عاشق

مغفل يجيني

ذات  صدفة بانكسار

يدور لبرجي عن طريق

وارمي له

حفنة مشاعر

ويتسلق جداري

على باله إن لي قلب رقيق  

 ولما يوصل

في نص الحكاية

ومن علو شاهق

ارمي شبه عاشق

في بحر همه غريق

 

* خبروه إني على حكايات المحبة

تقريبا كبرت

وما صرت اصدق

أفلام أول

ولا رشدي أباضه

ولا سعاد

كله تمثيل و أغاني

وعشناها حلم

وعرفنا شط أسكندرية

قبل لا حتى  نشوفه

وعشنا في الخيال

أحلى  فلم

وقلنا يمكن بلحظه هالقصه نعيش

كان طيش

ومن يحسن الظن كثير

 في هذي الحياة

على فتات الحلم

بالآخر يعيش

 

 العــــــــــــــــنقاء

 

Related Posts